Cazina ti uedli

N pitl mut sentà pra viere ie dut cuntënt. Si uedli ie che luj.
Ël sà che ncuei de nuet mo unirà Gejù Bambin.
Dedora i floc toma dal ciel.
L'oma ti à dit de vester valënt y l lascia jì
a fé damat tla nëif.
Cazina ti uedli y duc s'la rij tan de cuer
y for inò ti dij un al auter:
"Ce bel: ncuei iel Nadel".

Śën iel tert l ie ëura de jì, scur vëniel bele.
Te Cësa ie dut anjenià.
L mumënt ie śën tlo, l se gëura l usc,
dut ie chiet. Ce linëus!
Adum dan l lën se dan la man.

A duc chëi che n Nadel muessa patì
y che à bele lascià de crëier tl bën
ti mbincions forza y speranza
acioche n di adum puderons dì:

Ref.:
Ncuei iel Nadel, ncunfertëve cun nëus.
Ncuei iel Nadel, sëura dut l mond.
Che vënce la pesc ti cueres dla jënt
y duc adum fredesc sarons.