Tëmp d'Avënt

Mami bele sondles da Nadel à fà,
dedora biei floc de nëif cuer l pra.
L vën śën scur abenëura y nëus te stua stajon,
pra mëisa de bela melodies cianton y sunon.

Un n cëir ie mpià su,
prësc nasc l Bambin Gejù.

La ciampaneles auden sunan,
na bela slita vëijen passan,
duc i pitli mutons se ncunforta dassënn,
San Miculau gëura la porta, te stua vëniel śën.

L segondo cëir ie mpià su,
prësc nasc l Bambin Gejù.

Na pitla lëtra al Bambin ei scrì
y bel mpont a la tò iel unì.
Sce l me porta cie che me é mbincià,
mi cuer drët cuntënt sarà.
Pesc, amor y legrëza
per duc sun chësc mond.

L terzo cëir ie mpià su,
prësc nach l Bambin Gejù.

Sun mëisa cuces y mandarins
sun l lën de bela codles y brunsins.
Dut l'Avënt me ei ncunfertà
y śën ie l Nadel ruvà.
Dala cuntentëza mi uedli
nsnuet lujerà.

Duc i cëiresc ie mpiei su,
nasciù ie l Bambin Gejù.