A vester de Gherdëina

Ulach‘ uni di
l surëdl dij bon di
do na nuet chieta l cianté di uciei se fej audì
ulach‘ i zirms crësc
ch’i biei tëunesc flurësc
ch’l nibl cueciun do mont via da sëira smarësc,
ulach‘ ch’i biei brei de ciofs ndurei
tublei y mediei sc’che i fossa tlo for stac sentei.
Tlo ons nëus udù l linëus
tlo da cësa sons for nëus
y ncueicundì
messons propi dì:

Ref.
O tan bel ch’ l ie a vester de Gherdëina
ciantons’l uni di, ch’ l fej rundenì!
O tan bel ch’ l ie a vester de Gherdëina
te nosta val for plu y plu bel nes sal.

Da Bula t‘ Cunfin
nchin via dal ujin
nëus se ntendon cun nosc for bel ruj’né ladin.
Dalonc caprò
vëniel for inò
jënt a nes crì amiran la marueies de uni di.
Da zacan incà for vëniel ziplà
Gherdëina cun si bel lëur per l mond unëur s’à fa‘.
Viver tlo ie n unëur
o garateda dl Criatëur
Gherdëina ies tu
dijons’l pu!

O tan bel ch’ l ie…