L ciajarin

Canche l devënta vërt y l semea che l vën instà,
iló s’al bele giut ncunfertà,
po' tolel la sama y si bestiam
y bele dalonc l auden stlefan.
Canchel ruva te mont pona gëurel l gran ciancel
dessegur per ël l mumënt plu bel.
Po’ tirel mo n cich y n holadio,
I ciajarin ie tlo.

Ma n tel ciajarin à tan da iodlerné,
n tel ciajarin ne iodlernea mei assé,
canche l va da tublà su
o do ciajea ju
canche l vën da locia ca,
vëniel iodlernà,
ma n tel ciajarin à tan da iodlerné.

Canche l ie da sëira ne n’iel mo nia finà
y belau mo se ëssel desmincià
de tò ite l ciajuel
che ie sun piguel,
de mëter ora la zigres sun panaruel,
de cialé sce I paster à bën dut tacà,
y sce l lat da inier ie bën sbramà,
po’ l auden cherdan. Pu cie iel pa śën?
L ie ëura de pië via tl fën.