Stories de vita

Bele giut me druca l pensier
mi daunì, cie dëssi pa śën fé?
L cë che cuej y duc n sà na miecia
ie pa chësc l post ulache ue resté?

Che vivon te n bel post chël muessen bën dì,
nosta bela cultura dessegur no da desmincë
ma é udù che giran n pue’ l mond
tan de bel y mo tant da mparé...

Cie, cie cie? Cie dëssi pa śën fé?
Cie, cie cie? Lascëdeme sté!
Cie, cie cie? Cie dëssi pa śën fé?
Cie, cie cie? Chi po' pa judé?

For inò me feji marueia
ce de bela jënt che n po' ancunté,
esprescions, ideai y stories de vita
unitant n cunsëi co manejé la vita.

Es'a bele purvà n iede a abadé
cialè sot ti uedli tant che i po' te dé
uedli scunesciui, uedli che à patì
uedli che scuend n mond dut da nrescì…

Cie, cie cie? Cie dëssi pa śën fé?
Cie, cie cie? Lascëdeme sté!
Cie, cie cie? Cie dëssi pa śën fé?
Cie, cie cie? Chi po' pa judé?