L terzo uem

Śën vën ite I terzo uem,
ite per val y do stradon
da Puntives ite iel unì n di
y deguni ne I à audì.

Śën vën ite I terzo uem
cun na cales bel do stradon,
dala pert de furmenton y dlongia I Derjon.

Śën iel tlo I terzo uem,
ntan che jënt tulova su fën,
y śën sauta duc adum
ajache ël à scioldi ngrum
y pona ta I beché
ie chësc po‘ jit a sté
ajache iló giapes da maië assé.
Da gusté café assé cun zaharub y pan bel fin
y da mesdì na bela prata, craut y vin
da sëira na jufa che stufa
y pona se n val a durmì.

Y po‘ I di do bele daduman
se n val sa mont belau n pue' sautan
y po‘ te n pra
se al po‘ ël śën sentà ju.
Savëis'a chi che ie I terzo uem?
Ël vën per vester for nton,
ël vën tlo per se varenté,
ma dessegur ne uel ël nia for tlo abité.

Savëis'a chi che ie I terzo uem,
savëis'a coche ël à inuem?
chësc ie stat I prim patin
che ie tlo stat ujin.

Śën vën ite I terzo uem,
ite per val y do stradon,
da Puntives ite iel unì n di
y deguni ne I à audì.

Śën vën ite I terzo uem
cun na cales bel do stradon
dala pert de furmenton y dlongia I Derjon.

Śën se n iel, I terzo uem,
ntan che jënt tulova su fën,
n grum de scioldi al lascià,
tlo da nëus te un n instà.

Y śën bel do stradon
se n val de viers de Laion,
y śën savëis de chi che on
ciantà per Vo.